Mbrëmjen e djeshme ka qarkulluar lajmi nëpër mediat italiane se Dusan Vlahoviç është shumë pranë kalimit te Juventus. “Zonja e Vjetër” ka arritur një akord me klubin e Fiorentinas për shërbimet e sulmuesit serb. Zbulohet se oferta e paraqitur nga Juventus është 67 milion euro plus bonuse dhe këtë ofertë thuhet se Fiorentina e ka pranuar.
Gjithashtu dihet se bomberi serb nuk dëshiron të largohet nga Italia dhe kalimin te Juventus do e pranonte me shumë dëshirë. Për këtë gjë, tifozeria e Fiorentinës ka reaguar.
Të lidhura
None found
Pranë Qëndrës Sportive “Davide Astori”, aty ku stërvitet çdo ditë klubi i “La Viola”, është postuar një pankartë me një mesazh të qartë ndaj sulmuesit.
“Respekti nuk fitohet me gola, Vlahoviç gungaç i m*tit”, kështu shkruhej te pankarta.
Klima në qytetin e Fiorentinës është e trazuar pas këtij lajmi të një transferimi që duket se po shkon në finalizim. Fansat e klubit janë të irrituar me drejtuesit ndër vite pasi Fiorentina ka larguar shumë lojtarë cilësorë në drejtim të Juventus.
Kujtojmë se Bernardeschi dhe Chiesa janë transferuar te Juventus nga Fiorentina, e së fundmi shumë pranë është edhe Vlahoviç./ h.ll/albeu.com
