Paris Saint-Germain ka shkruar historinë e tyre, duke fituar për herë të parë Ligën e Kampionëve.
Skuadra franceze triumfoi 5-0 në finale përballë Interit, duke qenë dominuese që nga fillimi e deri në fund.
Pas vetëm 12 minutash lojë Desire Doue asistoi te Achraf Hakimi, që realizoi me lehtësi në portën e ish-skuadrës së tij.
Vetëm tetë minuta më Doue ndryshoi rol, nga asistues në golashënues, me asistimin e Ousmane Dembeles.
Me kaq edhe përfunduan 45 minutat e parë, me Interin që nuk arrinte të dilte përpara.
Edhe pjesa e dytë u dominua nga PSG-ja, duke shënuar dy gola të tjerë.
Doue kompletoi dygolëshin e tij, kur u asistua nga Vitinha në minutën e 63-të për 3-0.
Radha për gol i erdhi edhe Khvicha Kvaratskelhia, kur shënoi dhjetë minuta më vonë, ndërsa Dembele sërish ishte në rolin e asistuesit, për rezultatin 4-0.
Goditjen e fundit Interit ia dha talenti Senny Mayulu – kur shënoi për 5-0 në minutën e 87-të.
🚨🇪🇺 GOAL | PSG 5-0 Inter | Senny Mayulu
SENNY MAYULU HAS MADE IT FIVE FOR PSG !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! pic.twitter.com/SuLnOMnznX
— Kinlop🦅 (@kinlop_) May 31, 2025
PSG me triumfin në Ligën e Kampionëve, kompleton tripletën, duke fituar Ligue 1 dhe Kupën e Francës.
Luis Enrique në anën tjetër bëhet trajneri i parë i tyre që e arrin këtë sukses, me shumë meritë – pasi ka krijuar një skuadër të frikshme.
