Barcelona ka kaluar fazën e 1/8-ave të Kupës së Mbretit, pasi triumfoi 1-3 ndaj Unionistas. Skuadra modeste e kategorive të ulëta në Spanjë e nisi mirë takimin, duke vendosur në vështirësi katalanasit.
Madje, Unionistas mori epërsinë në minutën e 31-të me Gomez. Të besuarit e Xavit ia dolën të barazonin shifrat në të 45-tën me Ferran Torres.
Barcelona përmbysi ndeshjen në pjesën e dytë me golin e Kounde. Për t’i dhënë goditjen përfundimtare kundërshtarit mendoi Balde, i cili dërgoi shifrat në 1-3.
Barcelona është një nga skuadrat pretendente të kompeticionit. Nëse do ia dalë apo jo të marrë këtë trofe, do e tregojë koha. /balkanweb/
