Pogradeci regjistroi suksesin e dytë në kampionat, duke triumfuar 0-3 në transfertë ndaj Kukësit në ndeshjen e javës së 3-të të Kategorisë së Parë.
Segerso Geci zhbllokoi takimin në fundin e pjesës së parë dhe i hapi rrugën fitores së liqenorëve, ndërsa pas pushimit protagonist u bë Godswill Chinwendu.
Të lidhura
None found
Qendërsulmuesi 23-vjeçar, i cili u transferua nga Besa gjatë merkatos së verës, realizoi dy herë dhe vulosi përfundimisht kapitullimin e verilindorëve.
Vëmendjen më të madhe e mori njëri prej golave të nigerianit. Chinwendu goditi pa u menduar gjatë nga mesi i fushës, befasoi portierin vendas dhe dërgoi topin në rrjetë, duke ndezur festën te Pogradeci.
Ky realizim i jashtëzakonshëm e vendos sulmuesin mes kandidatëve për golin e vitit në Kategorinë e Parë.
