Thomas Strakosha ka luajtur ndeshjen e parë me AEK duke fituar 4 me 3 përballë Inter Escaldes.
Ndeshja ishte e vlefshme për turin e dytë të Conference League.
Asgjë nuk ishte aq e lehtë sa dukej, pasi klubi grek pati avantazhin e katër golave pas 53 minutave lojë.
Autogoli i Vidas i dha zemër Inter Escaldes, që shënoi dhe 2 herë të tjera më pas. Goli i dytë për klubin nga Andorra erdhi me penallti pas gafës së Strakoshës.
Portieri i Kombëtares shqiptare para penalltisë u ndëshkua me karton të verdhë, për ndërhyrjen që shkaktoi.
Po ashtu dhe 2 golat e tjerë mund të ishin të evitueshëm, ndërsa kualifikimi nga AEK nuk diskutohet.
