Sezoni 2026-2027 i Kategorisë së Parë ka nisur nën shenjën e tensionit. Përballja mes Burrelit dhe Kastriotit në stadiumin “Liri Ballabani”, e mbyllur në barazim 2-2, u shoqërua me episode që kapërcyen kufijtë e një ndeshjeje futbolli.
Në minutën e 67-të, loja u ndal pas një situate të rëndë. Fabio Hasa, futbollist i Kastriotit, iu afrua një përplasjeje fizike me një tifoz vendas, ndërsa mes tyre pati kërcënime dhe sharje. Arbitri vendosi ta ndëshkonte lojtarin e ekipit mik me karton të kuq.
Të lidhura
None found
Tensioni nuk u mbyll me kaq. Me karton të kuq u largua edhe trajneri i Kastriotit, Ndreu, i cili ishte tepër i acaruar me vendimet e gjyqtarit Çelaj.
Për të rikthyer qetësinë dhe për të mundësuar vijimin e aktivitetit, i cili qëndroi i ndërprerë për 5 minuta, u desh ndërhyrja e policisë. Në përfundim të sfidës, kartonë të kuq morën gjithashtu Rrapi i Burrelit dhe Vogli i Kastriotit.
