Vedat Muriqi vijon të konfirmojë formën e tij të mirë në kampionatin elitar turk, teksa realizoi një tjetër gol për Fenerbahçen.
Sulmuesi i Kosovës u shfaq vendimtar që në minutat e para të përballjes kundër Samsunsporit, e vlefshme për kampionatin e Turqisë.
Të lidhura
None found
Vetëm pas tre minutash lojë, Muriqi dërgoi topin në rrjetë dhe i dha Fenerbahçes avantazhin 0-1.
Ky ishte realizimi i dytë i tij në tri paraqitje në elitën e futbollit turk gjatë këtij sezoni. Krahas golave, ai ka dhënë edhe një asistim.
Kontributi i tij në repartin ofensiv nuk është kufizuar vetëm në kampionat, pasi Muriqi ka shënuar edhe në Ligën e Kampionëve, duke e ndihmuar Fenerbahçen të kualifikohet në këtë garë.
Me këtë start, sulmuesi kosovar po përjeton një nisje shumë pozitive të sezonit dhe po renditet ndër lojtarët kryesorë të Fenerbahçes në fazën e sulmit.
