Tirana nuk ia del as në këtë derbi për të fituar ndaj Partizani. Bardheblutë u mposhtën 2-1 në “Air Albania” nga demat.
Një humbje që dhemb dyfish, pasi së pari mposhtën nga rivali i përjetshëm i tyre dhe së dyti tashmë janë jashtë “Final – Four”.
Klubi bardheblu ka reaguar menjëherë në rrjetet sociale, ndërsa thekson se nuk kanë ndërmend të dorëzohen.
“Ne nuk e humbim KURRË DINJITETIN tonë!”, kanë shkruar bardheblutë. Kujtojmë se pas kësaj humbje Tirana zbret në vendin e 6-të me 46 pikë, 1 më pak se Skënderbeu dhe Dinamo.
