U la jashtë nga Mancini, Ogbonna nuk përmbahet: Jam i mllefosur, duhet të ketë meritokraci

Mbrojtësi i West Ham United, Angelo Ogbonna nuk është thirrur nga Mancini për “Euro 2020”.

 

Në fakt, Ogbonna figuroi në listën preliminare prej 33 lojtarëve të ftuar, por në listën përfundimtare iu desh të marrë lajmin e keq se ai nuk do të ftohet për në Kampionatin Evropian “Euro 2020”.

Si duket, Ogbonna ka mbetur mjaft i zhgënjyer me këtë gjë, aq sa doli në një intervistë dhe sulmoi direkt selektorin e Kombëtares italiane, Roberto Mancinin.

“Mungesa e thirrjes? Jam shumë i prekur dhe i mllefosur, ndoshta nuk e ka marrë parasysh sezonin që kam pasur me West Hamin”, tha ai.

“Edhe pse kemi luftuar deri në fund për Ligën e Kampionëve me Jorginhon dhe Emersonin, që dëshmon se pavarësisht nivelit të lartë nuk ftohesh nëse nuk je në ndonjë skuadër të madhe”, tha shtoi ai.

“A kam marrë shpjegime? Jo! Por në sport duhet të ketë meritokraci, në bazë të kampionatit dhe lojës së treguar, edhe statistikave që sipas meje nuk merren parasysh në këtë rast”, tha Ogbonna.

Në fund Ogbonna thuri lavde për Jorginhon.

“Ai është pjesa kryesore e Italisë, është i nënvleftësuar, ndoshta për strukturën e tij të trupit, por në Premierligë ai është rritur si lojtar. Në Kombëtare ai do të jetë një figurë e rëndësishme me personalitetin dhe me aftësinë për leximin e lojës”, përfundoi Angelo Ogbonna.


Shtuar 31.05.2021 10:31

Tags: ,