Agron Rufati është pranuar zyrtarisht te skuadra e Prishtinës. Lajmi u bë i ditur nga vetë klubi, i cili njoftoi se mbrojtësi do t’i bashkohet ekipit të Orges Shehit gjatë fazës përgatitore në Bolu, Turqi.
Përvoja e tij e konsiderueshme, e grumbulluar si në arenën ndërkombëtare ashtu edhe në kampionatin shqiptar, i bindi drejtuesit e klubit që ta afronin 27-vjeçarin si një forcë të rëndësishme për repartin e mbrojtjes.
Të lidhura
None found
Rufati kalon te kryeqytetasit nga skuadra sllovene ND Gorica. Karriera e tij përfshin gjithashtu periudha te Brera Strumica, AP Brera, NK Istra dhe Academia Clinceni. Në Superiore, ai luajti për Dinamon, ku arriti të fitonte Kupën e Shqipërisë në sezonin 2024/25, pikërisht nën drejtimin e trajnerit Ilir Daja.
