Liverpool është në rrugën e duhur për një ndryshim të madh në stolin e tyre, me Arne Slot që do të jetë trajneri i tyre i ri nga 1 korriku.
Megjithëse marrëveshja ende nuk është konfirmuar zyrtarisht, Slot tashmë po planifikon nënshkrime të mundshme për të forcuar skuadrën e Anfield.
Një nga lojtarët që Slot ka për objektiv është anësori i Leeds United, Crysencio Summerville. Sipas raportimeve nga Anfield Sector, trajneri holandez është i etur që të ketë Summerville në skuadrën e tij.
Anësori ka pasur një sezon të jashtëzakonshëm me Leeds, duke shënuar 19 gola dhe nëntë asistime në 41 ndeshje teksa ata kërkojnë promovimin në Champions.
Kjo nuk është hera e parë që Slot tregon interesim për Summerville. Gjatë 12 muajve të fundit, 22-vjeçari ka qenë i lidhur me klubin aktual të Slotit, Feyenoord, megjithëse negociatat e mëparshme nuk u realizuan për shkak të çmimit të lartë të lojtarit.
Ndryshe nga Feyenoord, Liverpool duket më i gatshëm të konsiderojë një lëvizje për Summerville, veçanërisht duke pasur parasysh nevojën për të forcuar linjën e tyre sulmuese.
Me lojtarë si Luis Diaz dhe Diogo Jota që përballen me probleme lëndimi, ardhja e Summerville mund të ofrojë thellësi të vlefshme për skuadrën e Reds.
Edhe pse Summerville nuk do të ishte domosdoshmërisht titullari i padiskutueshëm, shkathtësia dhe aftësia e tij mund të jenë një aset i madh për Liverpoolin, veçanërisht nëse ata kërkojnë të konkurrojnë në disa fronte sezonin e ardhshëm.
Me një vlerë aktuale të tregut prej 18 milionë euro, Leeds United me siguri do të kërkojë një shumë të konsiderueshme nëse lojtari kalon në Anfield, veçanërisht nëse ata arrijnë promovimin në Premier League. /Telegrafi/
