Sipas gazetarit Fabrizio Romano, Tottenham ka siguruar një marrëveshje verbale me Manchester Cityn për kalimin e sulmuesit egjiptian Omar Marmoush.
Edhe lojtari ka pranuar të transferohet te klubi londinez. Formula e marrëveshjes parashikon fillimisht huazimin e tij, ndërsa përfshin edhe një opsion blerjeje që, në varësi të disa kushteve, mund të shndërrohet në detyrim.
Të lidhura
None found
Në rast se plotësohen kriteret e përcaktuara, Tottenham do të derdhë afërsisht 50 milionë funte për blerjen përfundimtare të Marmoush.
Sulmuesi egjiptian pritet të udhëtojë të hënën për kontrollet mjekësore, ndërsa më pas kalimi i tij te Tottenham pritet të bëhet zyrtar.
Romano kishte bërë të ditur më herët se Tottenham kishte rënë dakord me Marmoush për kushtet personale dhe se klubi ishte optimist për mbylljen e operacionit.
Në këtë mënyrë, Marmoush pritet të largohet nga Manchester City, skuadër ku u transferua në janar të vitit 2025 nga Eintracht Frankfurti.
