Real Madridi ka hedhur poshtë sërish raportimet që e paraqesin klubin si të interesuar për Rodrin e Manchester Cityt.
Të lidhura
None found
Siç shkruan “The Athletic”, persona nga nivele të ndryshme të strukturës drejtuese madrilene kanë deklaruar se mesfushori spanjoll nuk është në planet e klubit, pavarësisht zërave që vijojnë të qarkullojnë.
Emri i Rodrit është lidhur prej kohësh me një kalim të mundshëm te Real Madridi, sidomos pas edicionit 2023/24, sezon në të cilin ai fitoi Topin e Artë dhe u rendit mes lojtarëve më të spikatur në botë.
Megjithëse spekulimet mediatike kanë vazhduar, drejtuesit e klubit nuk i mirëpresin këto pretendime dhe theksojnë se nuk po përgatisin ndonjë operacion për 30-vjeçarin.
Marrëveshja aktuale e Rodrit me Manchester Cityn përfundon verën e ardhshme, ndërsa klubi anglez është angazhuar për ta zgjatur atë. Deri në këtë moment nuk është arritur dakordësi mes palëve, situatë që ka mbajtur gjallë aludimet për të ardhmen e tij.
Transferimet e disa futbollistëve me parametra zero nga Real Madridi në vitet e fundit kanë kontribuar në shtimin e këtyre zërave. Megjithatë, sipas raportit, klubi spanjoll nuk planifikon të përfshihet në garën për firmën e Rodrit.
