Trajneri i Manchester United, Eric ten Hag nuk ka zbuluar nëse sulmuesi Cristiano Ronaldo do të jetë në formacionin fillestar për ndeshjen e nesërme të Premierligës kundër Brentford. Kujtojmë se ndeshja do të zhvillohet në Londër 18:30.
“Ronaldo ka pasur një javë të mirë stërvitore, por ai ka luajtur vetëm dy ndeshje 45-minutëshe deri më tani. Nesër do të shohim nëse ai është gati të fillojë. Nëse flasim për të ardhmen e tij, vendimi im mbetet në fuqi, dua ta mbaj Cristiano në ekip”, tha ten Hag në një konferencë për shtyp.
Kujtojmë se Cristiano Ronaldo dëshiron të largohet nga Manchester United, por portugezi nuk ka ende një opsion të dukshëm për të vazhduar karrierën e tij. /albeu.com/
