Superiore nis sezonin me dy përballje të tjera, ja sfidat e sotme

Java e parë e sezonit të ri të “Abissnet Superiore” vijon sot me dy ndeshje që do të luhen në stadiumet e Laçit dhe Vorës.

Në orën 16:00, Laçi do të përballet në shtëpi me Elbasanin, në një takim që pritet të dhurojë rivalitet dhe emocione.

Po në të njëjtën orë, në stadiumin e Vorës, Partizani do të masë forcat me Teutën. Të dy trajnerët do ta nisin aventurën e tyre në stolat përkatës dhe synojnë ta fillojnë sezonin me rezultatin maksimal.