Sulmuesi holandez Kuinsi Promes është sërish në telashe me drejtësinë. Ish-futbollistit i Ajaksit aktualisht futbollisti i Saprtakut të Moskës akuzohet për trafik droge.
Prokuroria holandeze ka bërë të ditur se ka nisur zyrtarisht procedimin ndaj futbollistit për trafik ndërkombëtar të kokainës.
Ai akuzohet se ka qenë porositësi i dy ngarkesave me kokainë, për një total prej 1370 kilogramësh, të cilat ishin kapur nga policia në portin e Antverpës në vitin 2020.
Promes ndërkohë duhet të përgjigjet para drejtësisë edhe për ngjarjen e rëndë ku ai akuzohet se ka goditur me thikë në gju kushëririn e tij në një darkë familjare. Futbollisti i cili ka luajtur 50 ndeshje me fanellën e Holandës, nuk është paraqitur në asnjë prej gjyqeve “për shkak detyrimesh kontraktuale”.
