Pas Kukësi B, edhe Sopoti ka vendosur të krijojë skuadrën e dytë, e cila do të marrë pjesë në Kategorinë e Tretë të Kampionatit Shqiptar të Futbollit. Klubi nga Librazhdi e bëri të ditur vendimin përmes një njoftimi në faqen e tij zyrtare.
Ekipi i ri, Sopoti B, do të drejtohet nga Jordi Koxha dhe Fabio Hasa, të cilëve u është besuar menaxhimi i këtij projekti.
Të lidhura
None found
Sipas klubit, krijimi i skuadrës së dytë synon të ndihmojë në rritjen dhe promovimin e talenteve të reja, duke ndërtuar një bazë të qëndrueshme për të ardhmen e ekipit të parë.
Sopoti B do t’u japë futbollistëve të rinj mundësinë të fitojnë eksperiencë dhe, përmes paraqitjeve dhe punës së tyre, të afrohen gradualisht me ekipin e parë të KF SOPOTI.
Me shtimin e skuadrave të reja, Kategoria e Tretë pritet të ofrojë më shumë rivalitet dhe të pasurohet me lojtarë më cilësorë.
Një investim për të rinjtë dhe për të ardhmen e SOPOTIT.
