Shqipëria luajti ndeshjen e saj të fundit miqësore kundër Suedisë mbrëmjen e së hënës, të cilën e humbi minimalisht 1-0.
Lojtarët përfunduan në Stokholm detyrën e tyre me Kombëtaren, por puna e Silvinjos sapo filloi.
Të nesërmen, braziliani së bashku me stafin e tij, Pablo Zabaletën dhe Dorivën, udhëtuan drejt “Santiago Bernabeut”.
Silvinjo ishte i pranishëm në stadium për të ndjekur miqësoren mes Spanjës dhe Brazilit.
Kreu i pankinës së kuqezinjve zgjodhi kështu të studionte nga afër kundërshtarin më të vështirë që do të kenë në fazën e grupeve në Euro 2024.
Shqipëria do të luajë me Spanjën më 24 qershor në Dusseldorf.
