Një ndeshje vendimtare për këtë edicion të Nations League, pret kombëtaren shqiptare në transfertën e sotme në Gjeorgji. Kuqezinjtë synojnë fitoren përballë një rivali të vështirë, që të mbajnë gjallë shpresat për vendin e parë në grup.
Shqipëria nuk po kalon ditët e saj më të mira, madje Kombëtarja ndodhet në momentin më të vështirë të epokës Silvinjo. Dy ndeshjet e fundit kanë nxjerrë në pah shumë probleme dhe rezultatet kanë qenë zhgënjyese (2 humbje përballë Gjeorgjisë dhe Çekisë).
Sot, ndaj Gjeorgjisë, luhet një përballje e rëndësishme për llogaritë e grupit. Vetëm një fitore mban në lojë djemtë kuqezi, sipas burimeve të RTSH Sport, ndryshimi i vetëm në formacion pritet të jetë, aktivizimi i Hoxhës si titullar dhe ulja në stol e Laçit.
Përsa i përket pjesës tjetër të formacionit, pritet që të zbresin në fushë të njëjtët lojtarë që luajtën që nga minuta e parë kundër Çekisë në Pragë.
