Italia ende kryeson renditjen e UEFA-s për koeficientin e klubeve pas ndeshjeve të fundit evropiane dhe është afër fitimit të një vendi shtesë në Ligën e Kampionëve për sezonin e ardhshëm.
Serie A ka një shans të drejtë për të pasur pesë përfaqësues të saj në sezonin e ardhshëm të Ligës së Kampionëve, i cili do të ketë një format të ri dhe do të përfshijë 36 klube në vend të 32 sa janë momentalisht.
Dy vendet e para në renditjen e koeficientit të klubeve të UEFA-s për sezonin 2023/24 do të fitojnë një vend shtesë në turneun e sezonit të ardhshëm dhe Italia aktualisht kryeson renditjen me 18.428 pikë.
Klubet e Serie A zgjeruan epërsinë e tyre ndaj Gjermanisë së vendit të dytë dhe Anglisë së vendit të tretë pas ndeshjeve evropiane të mesjavës në Ligën e Kampionëve, Ligën e Evropës dhe Ligën e Konferencës.
Italia javën e kaluar kishte 17.714 pikë, ndërsa tani 18.428 dhe fitoi rreth 300 pikë ndaj rivalëve të drejtpërdrejtë.
Gjermania shkoi nga 16.357 në 16.785 pikë, ndërsa Anglia e treta ka shkuar në 16.750 pikë nga 16.250 sa ishte.
Tani për tani, Roma do të përfitonte nga një pozitë shtesë në Ligën e Kampionëve, duke pasur parasysh se skuadra e Daniele De Rossit ndodhet në vendin e 5-të në tabelë.
Megjithatë, Atalanta është vetëm pesë pikë më poshtë se Giallorossët me një lojë më pak dhe mund të hyjë në lojë për atë pozitë. /Telegrafi/
