Sergio Busquets është rikthyer te Barcelona, klubi ku zhvilloi pjesën dërrmuese të karrierës, për të nisur këtë herë një angazhim të ri në strukturën e akademisë.
Të lidhura
None found
Duke filluar nga kjo e hënë, 38-vjeçari është bërë pjesë e stafit teknik të Barça Atletic. Ish-kapiteni legjendar do të shërbejë si trajner ndihmës në skuadrën që drejtohet nga Juliano Belletti.
Në detyrën e re, ish-mesfushori defensiv pritet të vërë në dispozicion përvojën e madhe dhe njohuritë taktike të grumbulluara gjatë karrierës së tij të lavdishme. Në të njëjtën kohë, ai po ndjek kursin për të marrë licencën e trajnerit.
Ky rikthim vjen pasi Busquets mbylli karrierën si futbollist, pas periudhave të kaluara me ekipin e parë të Barcelonës dhe Inter Miamin.
Ish-kapiteni katalanas hap kështu një etapë tjetër profesionale, ku synon të ndihmojë në formimin dhe zhvillimin e talenteve të rinj të Barcelonës.
