Vanessa Bryant, e veja e Kobe Bryant, ka thënë se për herë të parë për vdekjen e bashkëshortit të saj ka marrë vesh përmes rrjeteve sociale, nga lajmërimet që i kanë shkuar në telefon të cilat thonin “RIP Kobe”.
Si pasojë ajo është duke paditur Departamentin e Sherifit të Los Angjelosit për shkelje të privatësisë dhe për neglizhencë. Vanessa thotë se oficerët kanë shpërndarë fotografi nga skena e aksidentit, duke përfshirë trupat e Giannas dhe Kobës.
“Unë po e mbaja telefonin sepse po tentoja të kontaktoja me burrin tim dhe të gjitha ato mesazhe filluan të vinin në telefon duke thënë ‘pusho i qetë Kobe. Jeta ime kurrë nuk do të jetë e njëjtë pa burrin dhe vajzën time”, ka thënë ajo.
Ylli i basketbollit ka vdekur bashkë me vajzën e tij 13-vjeçare Gianna dhe shtatë të tjerë në aksidentin me helikopter në janar të 2020-ës.
