Zyrtare, Ivan Juric është trajneri i ri i Romës. Klubi verdhekuq zyrtarizoi ardhjen e ish-trajnerit kroat të Torinos dhe Veronës me një deklaratë për shtyp: kontratë vjetore, marrëveshje deri më 30 qershor 2025. 49-vjeçari, i cili tashmë ka kryer stërvitjen e tij të parë në Trigoria, merr vendin e Daniele De Rossi.
Ky i fundit mori lajmin për shkarkimin e tij mëngjesin e së mërkurës, ndërsa ishte në qendrën sportive. Ish-kapiteni i njohur i Romës nuk ka bërë asnjë deklaratë teksa është kthyer në shtëpinë e tij në qendër të kryeqytetit pak orë më vonë.
De Rossi është shkarkimi i parë i sezonit në Serinë A. Fillimi hezitues i verdhekuqve në kampionat ishte vendimtar, me zero fitore në katër të parat.
Ish-trajneri i Spalit u bë trajner i Romës 16 janarin e kaluar, rezultate të mira që i bindën pronarët t’i ofronin një rinovim deri më 30 qershor 2027. Tani shkarkimi surprizë.
