Kalimi i Rodrit nga Manchester City te Real Madridi duket se po shkon drejt dështimit, pasi dy klubet mbeten shumë larg arritjes së një dakordimi për shumën e transferimit.
Gazeta Sport raporton se, në një kthesë befasuese të zhvillimeve, operacioni për transferimin e mesfushorit në Madrid është ndalur për momentin, për shkak se nuk është gjetur gjuhë e përbashkët me Manchester Cityn.
Të lidhura
None found
Edhe pse 30-vjeçari, fitues i Kupës së Botës, dëshiron të luajë në Santiago Bernabeu, Los Blancos nuk kanë mundur ta bindin Cityn që të pranojë ofertën e tyre financiare.
Negociatat ndodhen tashmë pranë kolapsit dhe mundësia për ta rikthyer marrëveshjen në rrugën e duhur varet nga një ofertë më e lartë e Real Madridit dhe nga ndërmarrja e hapave të rëndësishëm prej klubit spanjoll.
Kjo situatë e bllokuar i ka hapur rrugë Barcelonës që të përfshihet në garën për organizatorin spanjoll të mesfushës. Rodri e udhëhoqi La Rojan drejt trofeut të Kupës së Botës 2026, ndërsa në të njëjtin turne u shpall edhe fitues i Topit të Artë.
Barça ka nisur tashmë kontaktet me përfaqësuesit e lojtarit për të shqyrtuar mundësinë e një transferimi. Klubi kërkon një mesfushor mbrojtës të nivelit të lartë, pasi Frenkie de Jong vuan nga një dëmtim në gju.
