Sulmuesi francez, Kylian Mbappe, ka shprehur dëshirën e tij për t’u larguar nga PSG që në verën e kaluar, por PSG nuk e lejoi as për një ofertë prej 180 milion eurosh të bërë nga Reali dhe po mundohen me çdo kusht ta mbajnë në skuadër duke i ofruar rinovimin.
Sipas “RMC Sport”, PSG është duke përgatitur një ofertë tjetër me presidentin, Al Khelaifi, i cili dëshiron ta bëjë sulmuesin lojtarin më të paguar, edhe para Messi dhe Neymar.
Të lidhura
None found
Duke marrë parasysh se Mbappe nuk dëshiron të qëndrojë për shumë vite te PSG, presidenti do i propozojë kontratë afatshkurtër.
Plani është që Mbappe të largojë nga mendja kalimin në “Santiago Bernabeu”, edhe pse nuk do jetë e lehtë ngase vetë klubi ka muaj që punon për ta bindur të rinovojë.
Në rast se refuzon, sulmuesi është i lirë që të nënshkruajë para kontratë me “Los Blancos” që në muajin janar.
