Rio Ferdinand mendon se Karim Benzema duhet ta fitojë Topin e Artë.
“Mendoj se polemika për Topin e Artë ka përfunduar. Nëse Karim Benzema nuk e fiton Topin e Artë, do të jetë një farsë e vërtetë”, tha ish-mbrojtësi i Manchester United për BT Sport.
Me Madridin këtë sezon, Benzema fitoi La Ligën, Ligën e Kampionëve dhe Superkupën e Spanjës. Karim u bë golashënuesi më i mirë i kampionatit spanjoll (27 gola) dhe i Champions League (15 gola).
Sulmuesi 34-vjeçar ka shënuar 44 gola dhe ka dhënë 15 asistime në 46 ndeshje për Real Madridin në të gjitha garat këtë sezon.
