Situata e Paul Pogba te Manchester United mund të pësojë një kthesë radikale. E ardhmja e francezit dukej se po largohej gjithnjë e më shumë nga Old Trafford , pasi ai përfundon kontratën në qershor dhe kishte refuzuar ofertat e fundit për rinovim kur nuk arriti shumat e dëshiruara.
Por, siç raportohet nga gazeta britanike The Sun , “Djajtë e Kuq” mund të bëjnë një përpjekje të fundit për francezin: “Manchester United i ka ofruar Paul Pogba një kontratë të re me 500,000 paund në javë “.
Të lidhura
None found
Domethënë, Pogba mund të kalojë nga largimi me kosto zero nga Manchestari në më të paguarin e Premier League . Megjithatë, kjo media pohon se lojtari nuk ka vendosur ende nëse do të nënshkruajë një kontratë të re dhe Mino Raiola , agjenti i francezit, mund të negociojë me çdo klub një transferim të mundshëm në merkaton e verës, pasi ai ka hyrë në 6 muajt e fundit të marrëdhënies me të kuqtë. r.t/albeu.com
