Pol Pogba dhe Ngolo Kante janë dy nga liderët e kombëtares së Francës teksa të dy bëjnë ligjin në mesfushën e gjelave. Të dy kanë një shoqëri të mirë, ndërsa së fundmi, lojtari i Junajtid tregon se Kante bën me hile kur janë ns kombëtare dhe luajnë së bashku. Më pas Pogba, vlerëson edhe punën e palodhur që bën lojtari i Çelsit në fushë duke theksuar se ndonjëherë i duket sikur Kante shfaqet nha hiçi.
“Kante bën hile, ai bën shumë hile. Në lojë me letra apo lojëra të tjera. Ju betohem, po ju them të vërtetën. Ai bën me hile. Thotë që nuk bëj hile, por pastaj bën. Wshtë i zgjuar shumë Ngolo. Por, nuk ka problem, atë nuk mund të mos e duash.
Ai është lojtari më i dashur në historinë e futbollit, nuk e urren dot atë. Wshtë e pamundur. Ai është i përulur, profesionist dhe i sjellshëm. Kante nuk ankohet, vetëm punon.
Ai i ka të gjitha, teknikë, pasime të mira dhe pastaj është kudo në fushë. Unë them që ai del nga toka. Nuk e shikon, pastaj ai është aty. Rikuperon topa, ka edhe finalizim. Wshtë ngado. Nëse ke një lojtar si ai në skuadër, çfarë kërkon më shumë”, u shpreh Pogba për Kante.
