Esat Mala ka gjetur përfundimisht “strehën e re” pas largimit nga Partizani.
Dy klube ishin shumë të interesuara nga Turqia, me Samsunsporin dhe Girenusporin që u vendosën në garë.
Kështu Mala vendosi për këtë të fundit, për shkakun se do të jetë pjesë e elitës së futbollit turk.
Samsunspori rriti ofertën për të joshur lojtarin shqiptar, por Esati nuk vendosi paratë para karrierës pasi do të luante në Ligën e Parë nëse pranonte marrëveshjen e dytë. Kontrata e re me Girenusporin për Malën do të jetë 2+1.
