Neymar Junior ka mohuar se po planifikon të largohet nga futbolli, ndërsa ka theksuar se për momentin është i fokusuar te Santos. Megjithatë, sulmuesi brazilian nuk ka dhënë një përgjigje përfundimtare për atë që do të bëjë pas përfundimit të kontratës.
Marrëveshja e 34-vjeçarit me Santosin skadon në dhjetor, ndërsa ai ka bërë të ditur se synon të japë maksimumin për klubin gjatë pjesës së mbetur të sezonit.
Të lidhura
None found
“Pensionimi nuk është diçka që po e mendoj. Kam kontratë me Santosin deri në dhjetor dhe dua të bëj më të mirën për klubin. Më pas do t’i shqyrtoj mundësitë e mia”, deklaroi Neymar.
Ai pranoi se ende nuk e ka marrë një vendim përfundimtar lidhur me hapat e ardhshëm në karrierë.
“Do t’i marr në konsideratë të gjitha mundësitë: të qëndroj, të largohem, të pensionohem apo të vazhdoj të luaj… Nuk e di! Deri në dhjetor ka ende kohë. Do ta shohim”, u shpreh braziliani.
Neymar komentoi gjithashtu deklaratën e babait të tij, i cili kishte lënë të kuptohej se sulmuesi mund të rikthehej ende në përfaqësuesen e Brazilit.
“Nuk është babai im ai që po luan!”, tha me shaka Neymar, duke mos e mbyllur asnjë mundësi për të ardhmen e tij me ekipin kombëtar.
