Manuel Neuer beson se ekipet më të mëdha të Evropës do të jenë sërish ato që do të përcaktojnë ritmin në Ligën e Kampionëve këtë sezon. Portieri 40-vjeçar synon të fitojë për herë të tretë trofeun evropian me Bayern Munichun.
Të lidhura
None found
Bayern Munichu do ta nisë fazën e ligës të enjten, kur do të përballet me Bodo/Glimt. Skuadra bavareze hyn në këtë garë e motivuar nga zhgënjimet e kaluara, ku vetëm pak i ndanë nga eliminimi pas humbjeve ndaj Real Madridit dhe Paris Saint-Germain. Neuer nënvizoi se mes pretenduesve dhe kampionëve shpesh vendosin detajet më të vogla.
“Në fund, gjithçka vendoset nga detajet”, deklaroi Neuer në konferencën për shtyp para ndeshjes.
“Kemi qenë shumë pranë suksesit, ndërsa dëshira jonë për ta përjetuar sërish atë moment është e madhe. Objektivi ynë kryesor është fitimi i Ligës së Kampionëve. Kemi pësuar humbje të dhimbshme, por ato na kanë dhënë edhe më shumë motivim, pasi duam të luajmë në finalen që do të zhvillohet në Madrid verën e ardhshme”.
Kapiteni veteran pranoi se skuadrat favorite, përfshirë Barcelonën dhe finalistët e fundit, do ta tregojnë forcën e tyre të vërtetë vetëm kur të afrohen fazat me eliminim direkt. Megjithatë, ai është i bindur se Bayerni ka cilësinë, përvojën dhe organizimin taktik të nevojshëm për të shkuar deri në fund. Kjo ambicie ka ndikuar edhe në vendimin e tij për ta vazhduar karrierën.
“Po e nis këtë sezon me synimin për të arritur gjithçka që mund të arrihet. E di se me këtë skuadër, me stafin teknik dhe me mentalitetin që kemi, çdo gjë është e mundur. Për mua do të kishte një rëndësi të jashtëzakonshme ta fitoja për herë të tretë Ligën e Kampionëve”, përfundoi portieri gjerman.
