Kylian Mbappe ishte në fazë testuese te Real Madridi kur ishte 14 vjeç.
I riu i atëhershëm u ftua në klub, iu bë një shëtitje nëpër hapësirat e klubit nga Zinedine Zidane dhe u takua me Cristiano Ronaldon dhe lojtarë të tjerë.
Duke folur për Envoye Special, sulmuesi kujtoi këtë herë: “Isha i ftuar nga Real Madrid. Aty qëndrova katër ditë. Pashë të gjithë superyjet, të gjithë ekipin, koka ime po rrotullohej”.
Mbappe diskutoi gjithashtu se si nëna e tij e mbante me këmbë në tokë: “Pas kësaj, më duhej të kthehesha dhe të bëja tri ditë pastrim në klasën e nënës sime. Qëndrova për një kohë në yje, por rashë (qesh)”.
“Në atë moment po mendoja ‘çfarë po mendonte ajo të më kthente këtu?’. Por tani në këtë moshë, e kuptoj. Preka yjet, më duhej të kthehesha në tokë”, ka shtuar më tej ai.
Mbappe tani është 25 vjeç dhe ende nuk është në Real Madrid. Mirëpo, më në fund mund të ndodhë këtë verë. Francezi thuhet se nuk dëshiron të zgjasë kontratën e tij me PSG dhe mund të transferohet në Bernabeu si transferim i lirë në verë. /Telegrafi/
