Dita e sotme në Xhide ka qenë e gjitha për Mario Mitajn. Mbrojtësi i majtë kuqezi është prezantuar nga klubi i tij i ri, Al-Ittihad.
21-vjeçari pas prezantimit ka nisur menjëherë stërvitjen me pjesën tjetër të ekipit. Mitaj do të jetë shokë skuadre me Karim Benzema dhe N’Golo Kante.
Të lidhura
None found
Kujtojmë se mbrojtësi shqiptar u transferua në formë huazimi nga Lokomotiva e Moskës për 1.5 milionë euro, me skuadrën arabe që ka në fund të drejtën e blerjes së kartonit për 5 milionë.
“Jam i lumtur që jam pjesë e këtij klubi. Forca tigra”, ka komentuar vetë Mitaj në fotografinë e postuar në rrjetet sociale ku ka pozuar pranë shefit të klubit saudit.
