Liverpooli ka paraqitur një ofertë që kalon 50 milionë dollarët për Gilberto Moran, 17-vjeçarin e konsideruar si një nga talentet më premtuese të futbollit meksikan.
Të lidhura
None found
Sipas “TUDN”, propozimi i është dorëzuar Tijuanas, skuadrës ku luan Mora, nga përfaqësuesja e tij, Rafaela Pimenta.
Një marrëveshje e mbyllur në këtë vlerë do ta kthente Moran në transferimin më të shtrenjtë të realizuar ndonjëherë nga liga meksikane.
Megjithatë, Liverpooli mund të përballet me konkurrencë të fortë për shërbimet e lojtarit. Arsenal, Chelsea, Real Madridi, Barcelona dhe Paris Saint-Germaini thuhet se po e ndjekin me vëmendje situatën e 17-vjeçarit.
Mora ishte grumbulluar me Meksikën për Kupën e Botës, e cila u zhvillua në vendin e tij. Ai luajti në katër prej pesë takimeve të kombëtares, mes tyre edhe në ndeshjen e humbur ndaj Anglisë në fazën e 1/8 së finales, në “Azteca”.
Gjatë këtij sezoni në Liga MX, talenti ka realizuar pesë gola në shtatë paraqitje, ndërsa katër prej këtyre golave janë shënuar nga pika e bardhë.
Roli i tij kryesor është ai i mesfushorit ofensiv, por Mora mund të vendoset edhe në krahun e majtë, prej ku zakonisht tenton të lëvizë drejt qendrës.
Futbollisti mbush 18 vjeç javën e ardhshme, ndaj më pas do të ketë mundësi të transferohet jashtë Meksikës gjatë merkatos së janarit.
