Liverpooli është shprehur i gatshëm të ‘shkatërrojë’ strukturën e tyre të pagave për të mbajtur në radhët e saj yllin e ekipit Trent Alexander-Arnold.
Njoftimi befasues për largim i Kloppit më herët gjatë këtij viti, bëri që edhe e ardhmja e disa lojtarëve të Liverpoolit të vihet në dyshim.
Tekniku gjerman bëri një ndryshim të madhë në mesfushëgjatë verës, ku Jordan Henderson dhe Fabinho u larguan për të krijuar rrugë për prurjet e reja si Alexis Mac Allister, Dominik Szoboszlai, Wataru Endo dhe Ryan Gravenberch.
Përveç gjetjes së një trajneri të ri, Liverpooli do të përballet edhe me disa vendime të vështira sa i përket kontratave të disa prej lojtarëve kryesor.
Mohamed Salah është lidhur me një kalim në Arabinë Saudite dhe Liverpooli kishte refuzuar një ofertë prej 150 milionë eurosh nga Al Ittihadi në ditët e fundit të afatit kalimtar veror, ndërsa kontrata e tij aktuale skadon në 2025.
Kapiteni i klubit dhe zëvendëskapiteni, Virgil Van Dijk dhe Trent Alexander-Arnold, do të mbeten pa kontratë në 2025 gjithashtu, ndërsa ky i fundit është lidhur me një kalim tek Real Madridi.
Oferta e Liverpoolit për Alexander-Arnold pritet të jetë kontrata më e madhe në histori të klubit, e cila nuk i është dhënë as lojtarëve si Van Dijk ose Salah sipas Football Insider.
Alexander-Arnold besohet se momentalisht përfiton 180 mijë euro në javë në ‘Anfield’, ndërsa momentalisht lojtari më i paguar në ekip është Salah pasi nënshkroi një marrëveshje të re në 2022./Telegrafi/
