Universiteti i Buenos Airesit (UBA), institucioni më i madh dhe më i rëndësishëm akademik në Argjentinë, ka vendosur t’i akordojë Lionel Messit vlerësimin më të lartë të nderit.
Këshilli Superior i UBA-së miratoi në mënyrë unanime emërimin e kapitenit të kombëtares argjentinase si Doctor Honoris Causa, titulli më prestigjioz që jep ky universitet.
Të lidhura
None found
Sipas rezolutës së publikuar nga institucioni, rrugëtimi sportiv i Messit është një model i përsosmërisë, vendosmërisë, modestisë dhe etikës profesionale.
ceremonia zyrtare e dorëzimit të titullit do të mbahet të martën e ardhshme. Ky vlerësim do t’i jepet pak para paraqitjes së fundit të Messit me fanellën e Argjentinës, në përballjen kundër Beninit.
Messi largohet nga përfaqësuesja si lojtari me më shumë paraqitje dhe gola në historinë e saj. Ai ka zhvilluar 207 ndeshje dhe ka shënuar 125 gola, duke kryesuar të dyja rekordet.
Gjatë aventurës me skuadrën “Albiceleste”, ai ka fituar Kupën e Botës në vitin 2022, dy edicione të Copa America në 2021 dhe 2024, Finalissiman e vitit 2022, Kupën e Botës U20 në 2005 dhe medaljen e artë olimpike në 2008.
