Dinamo Ferizaj ka zgjedhur Leotrim Krasniqin si trajnerin e ri të ekipit të parë, vetëm pak ditë pasi mbylli bashkëpunimin me Astrit Fazliun.
Të lidhura
None found
Krasniqi rikthehet në klubin ferizajas, ambientin dhe futbollin e të cilit i njeh mirë. Emërimi i tij vjen vetëm dy javë pas ndarjes nga Vëllaznimi, ku ishte angazhuar së fundmi.
Gjatë karrierës së tij, ai ka drejtuar edhe Besën e Pejës, Drenasin dhe Vjosën, ndërsa ka qenë pjesë e Dinamos së Ferizajt dhe Lirisë.
“FC Dinamo Ferizaj njofton se Leotrim Krasniqi është emëruar kryetrajner i skuadrës së parë. Krasniqi rikthehet në klub pas angazhimit të tij të fundit te Vëllaznimi, ndërsa më herët ka qenë pjesë e Besës së Pejës, Drenasit, Vjosës, Lirisë dhe e skuadrës sonë”, thuhet në njoftimin zyrtar të klubit.
Me këtë vendim, Dinamo Ferizaj synon të vijojë sezonin me rezultate më të mira, ndërsa klubit i ka uruar trajnerit të ri sukses dhe punë të mbarë në detyrën e tij.
