Toni Kroos zbulon atë që i ka thënë Cristiano Ronaldos pas ndeshjes së Gjermanisë ndaj Portugalisë, ndërsa një postim në Twitter nga Los Blancos ka nxitur spekulimet rreth rikthimit të CR7.
Kontrata e portugezit me Juventusin skadon në qershor të vitit 2022, por e ardhmja e ylli 36-vjeçar në Torino është në dyshim pasi ai do të vendosë fatin e tij vetëm pas Kampionatit Evropian.
Pesë herë fituesi i Topit të Artë ka shënuar tre gola në dy paraqitje në Euro 2020. I fundit erdhi në humbjen e Portugalisë 4-2 ndaj Gjermanisë të shtunën e kaluar.
— Toni Kroos (@ToniKroos) June 21, 2021
Ronaldo-Kroos, colloquio al termine di Portogallo-Germania: cosa si sono detti?#SkyEuro2020 #Euro2020 #SkySport #Ronaldo #Kroos #PortogalloGermaniahttps://t.co/LGVYad6t9j
— skysport (@SkySport) June 21, 2021
Në fund të lojës, Ronaldo kaloi ca kohë duke biseduar me ish-shokun e tij te skuadra e Real Madridit, Toni Kroos, duke tërhequr vëmendjen e shumë mediave.
Ishte vetë mesfushori i Real Madridit që zbuloi se për çfarë kishte biseduar me ish-shokun e tij të skuadrës.
“Kam luajtur me Ronaldon për katër sezone. Dhe nuk po e ekzagjeroj kur them se pata sukseset më të mëdha me të dhe falë tij”, ka thënë 31-vjeçari për Einfach mal Luppen, podcastin që ndan me vëllain e tij Felix.
“Ne ishim fqinjë në dhomën e zhveshjes gjatë gjithë asaj periudhe dhe unë isha i lumtur që e pashë atë. Ne nuk e kemi parë njëri-tjetrin për një kohë të gjatë, Reali nuk ka luajtur kundër Juventusit”.
“Ne biseduam shkurtimisht për ndeshjen dhe ndeshjet e ardhshme. U uroj atyre fatin më të mirë, shpresoj të kualifikohen në raundin tjetër, ashtu si ne”.
“Gjithashtu, unë pyeta se a është përshtatur në Itali sepse ai ka qenë atje për tre vjet”.
Ronaldo u bashkua me Juventusin nga Real Madrid në një marrëveshje prej 112 milionë euro në vitin 2018.
Ai ka shënuar 101 gola në 133 ndeshje me Biankonerët, ndërsa shënoi 450 në 438 ndeshje gjatë nëntë viteve në Santiago Bernabeu.
Ndërkohë, një postim nga Real Madrid ka nxitur spekulime në lidhje me kthimin e Cristiano Ronaldos në kryeqytetin spanjoll.
Merengues postuan një foto të bisedës midis Ronaldos dhe Kroos, por ata që shohin një shenjë të kthimit të portugezit në Madrid duhet të kujtojnë atë që tha Presidenti i Los Blancos, Florentino Perez në prill: “Ai nuk do të kthehet. Ai ka një kontratë me Juventusin dhe nuk ka kuptim që ai të kthehet. Unë e dua shumë, ai na ka dhënë shumë”.
Sky Sport gjithashtu raporton se nuk ka gjasa të imagjinohet kthimi 36-vjeçar në ish-klubin e tij.
