Albian Hajdari nuk do të mund ta ndihmojë Kosovën në dy ndeshjet e ardhshme të Ligës së Kombeve, kundër Izraelit dhe Austrisë.
Të lidhura
None found
Federata e Futbollit të Kosovës ka bërë të ditur se mbrojtësi është larguar nga grumbullimi i “Dardanëve” në Debrecen, pasi dëmtimi i tij nuk i jep mundësi të rikuperohet në kohë.
Edhe pse stafi mjekësor ka tentuar ta rikthejë futbollistin në gjendjen e duhur, Hajdari nuk do të jetë në dispozicion të përzgjedhësit Franco Foda për këto dy përballje.
Ndërkohë, mesfushori Leon Avdullahu është liruar përkohësisht nga grumbullimi për shkak të çështjeve familjare.
FFK ka njoftuar se Avdullahu pritet të rikthehet te skuadra sapo të krijohen mundësitë.
Kosova do ta zhvillojë fillimisht ndeshjen me Izraelin, ndërsa më pas do të përballet me Austrinë.
