Komplikohet transferimi i sensacionit francez Leny Yoro tek Real Madridi

Real Madridi tash e sa kohë është raportuar që ka shprehur interesim të fortë për të nënshkruar me mbrojtësin francez Leny Yoro, i cili aktualisht është pjesë e Lille.

Megjithatë, për ta bërë këtë, gjiganti spanjoll tani duhet të mposhtë konkurrencën e Manchester United që së fundmi iu bashkua garës për të siguruar shërbimet e mbrojtësit shtatgjatë.

Ylli i Lille po vazhdon të lë pa fjalë të gjithë me paraqitjet e tij në Francë, dhe tashmë po konsiderohet gjerësisht si e ardhmja e futbollit evropian, ani pse ai do të mbushë 18 vjet në nëntor.

Me punën e tij të palodhshme tek Lille, Yoro tashmë është bërë zgjedhje e parë e trajnerit në mbrojtje, ku po i ndihmon ata drejt objektivit të tyre primar që është kualifikimi në Ligën e Kampionëve.

Sipas raportimeve të mëhershme, Real Madridi e kishte identifikuar reprezentuesin francez si një objektiv afatgjatë për të reduktuar moshën mesatare të mbrojtjes së ‘Los Blancos’.

Kontrata e tij aktuale me Lille skadon në 2025, por ende nuk është arritur ndonjë marrëveshje për rinovimin e saj, dhe në rast se kjo nuk ndodh gjatë muajve në vazhdim, gjiganti francez do të mbetet i detyruar që ta shesë atë për të evituar largimin si lojtar i lirë.

Përditësimi i fundit nga Teamtalk.com, pretendon se United do t’i bëjë rivalitet Real Madridit për Yoron, ndërsa pritet një ofertë prej 41 milionë eurosh nga ana e tyre.

United kanë për synim transferimin e të paktën katër lojtarëve të rinj, si pjesë e planit për rinovimin e ekipit para sezonit 2024/2025./Telegrafi/