Juventus rrezikon një ndëshkim në rënditje dhe një gjobë të majme.
Është e ashtuquajtura “karta e Ronaldos”, ajo që lidhet me kontratën e portugezit, që sipas prokurorit të Torinos, klubi i Juventusit e ka fshehur, për t’i dhënë një shtysë të mëtejshme operacionit “Prisma”, si në atë kriminal ashtu edhe në atë sportiv.
Sipas organeve disiplinore të futbollit italian, Juventus rrezikon një dënim me ulje pikësh në rënditjen aktuale të kampionatit, si dhe një gjobë të madhe.
E gjithë kjo sepse hetimi me shumë gjasa do të ndikojë edhe në gjykimin sportiv. Kjo është arsyeja pse Prokuroria e Federatës së Futbollit është e gatshme të kërkojë letrat. Synimi është rikuperimi i pagave të shtyra, ato të cilat nuk janë bërë kurrë publike, të fshehura jashtë zyrave dhe të sekuestruara./ h.ll/albeu.com
