Juventusi në janar synon të huazojë Aubameyang

Pavarësisht deklaratave të drejtuesit të Juventusit, Arrivabene, i cili deklaroi se nuk do të ketë përforcime në janar, mediet angleze theksojnë se bardhezinjtë po bëjnë disa lëvizje për të përforcuar skuadrën e drejtuar nga Allegri.

“Zonja e Vjetër” kërkon të përfitojë nga mosmarrëveshjet midis drejtuesve të Arsenalit dhe Pierre-Emerick Aubameyang.

Pikërisht këtë situatë duan të shfrytëzojnë italianët për të bindur lojtarin të kalojë në Torino që në janar.

Drejtuesit e bardhezinjve synojnë ta marrin sulmuesin fillimisht në formë huazimi deri në fund të sezonit për ta blerë më pas përfundimisht. /albeu.com


Shtuar 22.12.2021 08:52