Juventus mendon për mbylljen e këtij sezoni, por po programon edhe të ardhmen.
Sipas Tuttosport, Zonja e Vjetër po mendon për plot tre objektivë për të përforcuar ekipin në sezonin e ardhshëm.
Emrat në listën e Juventus janë ato të Kean, Locatelli dhe Emerson.
I pari, aktualisht te PSG, mund të jetë një nga protagonistët e merkatos në rast se do të kthehet tek Everton pas huazimit te parisienët.
I dyti, mesfushori i Sassuolo-s, është një emër shumë i nxehtë.
Ish-lojtari i Milan-it vlerësohet 40 milionë euro nga skuadra e tij dhe Juventus mund të përfshijë Fagioli-n në operacion.
Në fund është Emerson, aktualisht te Chelsea, në krye të listës së dëshirave për krahun e majtë.
