Roma ka njoftuar zyrtarisht se ka shkarkuar trajnerin portugez, Jose Mourinho, pas rezultateve jo të mira.
Trajneri portugez u përfol se ishte në prag të shkarkimit pas humbjes 3-1 të Romës kundër Milanit të dielën mbrëma dhe tani një gjë e tillë është bërë realitet.
Është vet klubi kryeqytetas që ka njoftuar zyrtarisht me anë të rrjeteve të tyre sociale.
“AS Roma njofton se Jose Mourinho dhe bashkëpunëtorët e tij teknikë do të largohen nga klubi me efekt të menjëhershëm”, thuhet në njoftim.
Momentalisht, Giallorossët zënë vendin e nëntë në tabelën e Serie A me 29 pikë, pesë më pak se Fiorentina e vendit të katërt.
Ai fitoi Ligën e Konferencës në sezonin e tij të parë në klub dhe humbi finalen e Ligës së Evropës sezonin e kaluar. Ai nuk arriti në top katërshe në asnjë nga dy sezonet e tij në kryeqytet.
Kontrata e tij me Romën do të përfundonte në qershor dhe bisedimet për të zgjatur qëndrimin e tij në klub nuk kishin filluar ende. /Telegrafi/
L’AS Roma annuncia che José Mourinho e i suoi collaboratori tecnici lasceranno il Club con effetto immediato.
Ulteriori aggiornamenti riguardo la nuova guida tecnica della Prima Squadra saranno comunicati a breve.
? https://t.co/04lO7mZhSn#ASRoma pic.twitter.com/mdUQLupmAy
— AS Roma (@OfficialASRoma) January 16, 2024
