Këngëtarja e njohur dhe ish-bashkëshortja e mbrojtësit të Barcelonës, Shakira, ka reaguar 3 muaj njoftoi ndarjen nga Pique.
Një ngjarje e cila befasoi jo pak botën, pasi cifti ishte prej vitesh bashkë dhe kishin 3 fëmijë.
Në një intervistë për revistën “Elle”, Shakira tregoi se si ka ndikuar ndarja nga Pique, për të cilin thotë se ka lënë karrierën në plan të dytë.
“Është hera e parë që flas për këtë situatë në një intervistë. Qëndrova e heshtur dhe thjesht u përpoqa t’i përpunoja të gjitha. Hmmm, dhe po, është e vështirë të flas për të, veçanërisht pasi jam ende duke e kaluar këtë gjë, sepse ndarja jonë nuk është si një ndarje normale. Kështu që ka qenë e vështirë jo vetëm për mua, por edhe për fëmijët e mi. Tepër e vështirë”,- nisi të tregonte këngëtarja.
Për mënyrën se si dy fëmijët e saj e kanë përjetuar ndarjen, Shakira shpjegon se: “Jam përpjekur t’ua fsheh situatën fëmijëve të mi. Mundohem t’i mbroj ata, sepse ky është prioriteti im në jetë. Por më pas, në shkollë, ata dëgjojnë gjëra nga miq apo ata gjejnë lajme të pakëndshme në internet dhe kjo thjesht i prek ata, e dini?”
Kolumbianja thotë ndër të tjera: “ndonjëherë më duket sikur e gjithë kjo është një ëndërr e keqe dhe se do të zgjohem në një moment. Por jo, është e vërtetë. […] Siç thashë, ndoshta është faza më e errët e jetës sime.”
Më tej Shakira theksoi se pavarësisht se si ndjehet , ajo dhe Pique do duhet të dinë si të sillen prej fëmijëve të tyre.
“Pavarësisht se si shkuan gjërat apo si ndiheshim unë dhe Gerardi si ish-partnerë, ai është babai i fëmijëve të mi. Ne kemi një punë për të bërë për këta dy djem të mrekullueshëm dhe unë kam besim se do të kuptojmë se çfarë është më e mira për të ardhmen e tyre.”-shtoi ajo.
Me ardhjen në jetë të fëmijëve, vetë Shakira shpjegon se duhej të merrte një vendim dhe të linte gjithçka për Gerardin dhe familjen e tyre.
“Gerard si futbollist donte të luante futboll dhe të fitonte tituj dhe unë duhej ta mbështesja, se njëri nga të dy duhej të bënte një sakrificë, apo jo? Dhe kështu, njëri nga të dy duhej të bënte atë përpjekje dhe atë sakrificë. Dhe unë e bëra. E vura karrierën time në plan të dytë dhe erdha në Spanjë, për ta mbështetur atë. Dhe ishte një akt dashurie”,-tha ndër të tjera ajo.
