Prishtina e Re ka zyrtarizuar afrimin e Theophilus Solomon, i cili bëhet lojtari më i ri i skuadrës “bardheblu” të kryeqytetit.
Sulmuesi 30-vjeçar ka mbyllur bashkëpunimin me Lirinë e Prizrenit për të vijuar karrierën te klubi i ri. Nigerianin e pret një kontratë njëvjeçare, që do të jetë në fuqi deri në verën e vitit 2027.
Të lidhura
None found
Solomon është një emër i njohur edhe për futbollin shqiptar, pasi në të kaluarën ka qenë pjesë e Partizanit. Ai luajti me “Demët” nga korriku i vitit 2019 deri në janar të 2021-shit.
Gjatë periudhës së tij me skuadrën e kuqe, sulmuesi nigerian fitoi Superkupën e Shqipërisë në sezonin 2019/2020.
