Nënshkrimi i Cristiano Ronaldos nga Manchester United verën e kaluar bëri që shumë njerëz të prisnin që “Djajtë e Kuq” të arrinin gjëra të mëdha në sezonin 2021/22, megjithëse deri më tani nuk ka funksionuar kështu.
Debati nëse Ronaldo ka pasur një ndikim të përgjithshëm pozitiv në klub, pavarësisht nga golat e tij, është një debat i vazhdueshëm në Angli dhe ish-lojtari i Manchester Cityt, Trevor Sinclair i bëri të qarta mendimet e tij për këtë çështje.
Sinclair beson se Ronaldo nuk është aq i përqendruar sa duhet në çështjet në fushë dhe e këshilloi atë të heshtë dhe të fokusohet në futboll dhe jo në të gjitha çështjet e tjera që rrethojnë klubin.
“Po filloj të mendoj se Manchester City iu shmang një plumbi duke mos nënshkruar me Cristiano”, tha Sinclair për “talkSPORT”.
“Ju shikoni disa nga lojtarët që po luftojnë për formë në Manchester United, lojtarë të rinj, Sancho, Rashford, ata me të vërtetë po luftojnë për paraqitje të mira.
Sigurisht që mund të fajësosh Ronaldon. Dije rolin tënd, je futbollist, je i punësuar nga klubi i futbollit.
Mbajeni gojën mbyllur sepse ndonjëherë kjo është gjëja më e mirë për të bërë. Ai po shkakton shumë probleme në klubin e futbollit”, është shprehur Sinclair./ h.ll/albeu.com
