Irlanda ka bërë të ditur emrat e futbollistëve të grumbulluar për ndeshjet e radhës në Ligën e Kombeve. Në përzgjedhjen e trajnerit Heimir Hallgrimsson figuron edhe Rocco Vata, djali i ish-kapitenit të Shqipërisë, Rudi Vata.
Të lidhura
None found
Ndeshjen e parë të këtij edicioni, irlandezët do ta zhvillojnë kundër Kosovës. “Dardanët” do të jenë pritës më 24 shtator, në takimin hapës të grupit B3.
Për publikun shqiptar, vëmendja do të përqendrohet te sulmuesi Rocco Vata. Ai është djali i Rudi Vatës, ish-futbollist dhe ish-kapiten i Kombëtares së Shqipërisë.
Pas sfidës me Kosovën, Irlanda do të ndeshet me Izraelin më 27 shtator, përpara se të luajë kundër Austrisë më 1 tetor.
Seria e parë e ndeshjeve për irlandezët përfundon më 4 tetor, me një tjetër përballje ndaj Izraelit.
Ndërkohë, pas takimit me Irlandën, Kosova do të luajë kundër Austrisë më 27 shtator. Më pas, “Dardanët” do të përballen me Izraelin më 1 tetor dhe sërish me Austrinë më 4 tetor.
