I mrekullueshëm Depay, holandezi mahnit Barcelonën më këtë gol (VIDEO)

Memphis Depay ka gjetur sërish rrjeten me fanellën e Barcelonës, duke shënuar një supergol ndaj Stuttgartit.

Sulmuesi holandez u transferua si lojtarë i lirë te Barcelona në fillim të këtij muaji, pasi vendosi të ndahet me Lyonin.

Transferimi i Depayt në Camp Nou u prit me bujë të madhe, pasi sulmuesi tregoi formë të lartë në Ligue 1 dhe me kombëtaren e Holandës.

Dhe ashtu siç ishin pritjet edhe dolën, pasi Depay po arrin të lë gjurmë qysh në ndeshjen e tij të parë si titullar me fanellën e Barcelonës.

Sulmuesi këmbëshpejtë ka shënuar tashmë golin e dytë me Barcelonën në ndeshjen miqësore ndaj Stuttgartit.

Depay shënoi një supergol në minutën e 21-të të ndeshjes, pas fillimisht bëri një driblim fantastik para goditjes.


Shtuar 31.07.2021 21:22