Audace Cerignola ka konfirmuar ardhjen e qendërmbrojtësit të talentuar shqiptar, Adi Kurti. Lojtari i bashkohet ekipit të Serie C në formë huazimi, duke lënë pas aventurën me skuadrën elitare të Serie A, Hellas Verona.
Kjo marrëveshje do të jetë e vlefshme për një sezon të vetëm, duke përfunduar në verën e vitit 2027. Formula e negociuar mes klubeve përfshin një të drejtë blerjeje në favor të Audace Cerignola, ndërkohë që Verona ka parashikuar një klauzolë riblerjeje, nëse lojtari shkëlqen dhe klubi aktual vendos të ushtrojë opsionin.
Të lidhura
None found
Talentin e tij, Kurti e ka nisur të kultivojë në Shqipëri me ekipin e FC Pepa-s. Më pas, mbrojtësi i Kombëtares U21 u zhvendos në Itali ku u rrit në akademitë e njohura të Empolit, Veronës dhe më vonë Ternanës, duke fituar eksperiencë të vyer para kësaj sfide të re.
